濕疹湯水~桑椹百合青欖紅棗湯(附食譜)

唔知大家有無濕疹煩惱呢? 我就係一個濕疹底呀..特別近1,2個月既天氣濕氣重又加上熱呀..真係痕到死呀..之前仲要出現煮婦手呀..對手真係又痕又腫真係好嚇人..成日就係睇醫生搽D好重藥膏..不過都係時好時唔好..
後來朋友介紹這個湯水叫我試下, 飲左這個湯水之後, 煮婦手既問題就消失左...但簡唔中手臂, 腳呀有D位都會痕啦...所以宜家我都當好似一個療程飲3-9日不等.

材料:

桑椹 1両

百合1両

青欖6粒

紅棗10粒

水 8碗

1)所有材料清洗好紅棗去核放入高速煲煮60分鐘

P.S如果普通煲就可以煲2小時.

P.S另外煮完放涼入樽放入雪櫃, 每日早晚各一杯.