TETSU@銅鑼灣

一早都有留意這間拉麵店, 但每次經過都見有條人龍所以遲遲都未有意慾去試...難得琴晚得閒6點多就係銅鑼灣啦..咁不如早食免左排隊之苦啦...

此終係早來店內都係得幾個客...餐牌拉麵都係得3款選擇, 一係沾麵一係就2款不同湯底既拉麵..

友人就點左個熱沾麵; 而我就選擇豚骨辣湯底拉麵


友人既沾麵既湯底係鰹魚湯底夠清甜而另一碗沾湯當然非常濃味好重豬骨味道其實掛上麵後就覺得岩岩好, 沾麵湯底入面仲有幾條叉燒同筍片, 而麵質就係似鳥冬咁粗身帶點彈牙.
見到餐牌說明如果食到尾覺得湯凍,可以要求店員提供熱石令到湯可以變熱. 

至於我既豚骨辣湯拉麵, 我個人就非常欣賞個辣湯...其實係加在一湯匙到既辣蝦米仔..因為好多蝦米仔令到個湯更加鮮香, 而且辣度屬輕微反而令到個湯鮮甜帶點惹味..
麵質屬幼身煮得剛好, 叉燒不似一般咁薄而是厚身2大塊不過我覺得無咩味道只屬一般..不過個辣湯底真係令我好回味,所以下次再來一定為左個辣蝦米而再光顧!




留言

熱門文章