上海榮華川菜館@官塘

係官塘搵食耐左, 對於這間食店應該不會陌生, 老店鋪當然店內都不會有咩裝修, 家庭式作業感覺都親切點.

中午時段未夠1點來, 未算多人輕鬆地搵到位置坐啦...一個人點左個獅子頭客飯, 仲有個例湯附送, 對於湯怪既我當然非常受落. 

啖湯清甜潤喉非常好飲, 至於獅子頭雖然厚厚既茨汁, 但肉質帶點酒香軟身入味用來配飯一流, 好有舊式味道. 這個客飯$48貴定平見仁見智, 對於成日食埋D集團式飲食既我簡唔中食到舊式家庭餐館既味道都係值得.

地址:
觀塘崇仁街15號地下