強記大排檔@深水埔

這間大排檔真係好勤力, 早午晚都有營業無休息而且街坊價錢所以都好多人幫襯.星期六一早我同友人9點幾到來食個早餐, 我地都要等一陣先搵到位坐...

這裡既早餐有麵, 三文治, 西多士等選擇包一杯熱飲都係$20-27左右, 係今時今日咁既價錢真係唔係得番好多間..不過咁鬼熱既天氣坐大排檔真係食到身水身汗既..如果唔太介意都可以一來試下...

我當日就叫左個咸牛肉蛋三文治熱檸茶($21); 友人就叫左個五香肉丁叉燒福字麵凍鴛鴦($27), 這一個價錢真係同區大排檔都好難搵.

咁既價錢唔好以為食物差, 佢杯茶都唔錯檸檬茶無苦澀味道不過茶底唔算濃郁; 至於鴛鴦友人話唔錯不過偏甜如果不喜歡太甜既朋友需要叫少甜先得

至於我既咸牛蛋治係我地非常欣賞, 蛋炒得岩我口味半生熟有蛋汁, 麵包鬆軟好好味, 

至於麵類就連五香肉丁份量都好多, 絕不因價就貨.

唔怪之得就算大熱天時都咁多人願意來食早餐.