PAN de PAIN Pancakes & Sweets@尖沙咀

同友人一早訂左位係1樓想試下間以美食同藝術二合為一既餐廳試下, 講真訂位既意思就係唔想來到都要排隊等位, 加上餐廳內又未滿, 但間野我訂左7:30PM點知我早來都話未有位, 到準時7:30PM又話客人仲食緊甜品要我地等多10分鐘...明明有其他枱又唔俾準時又唔俾咁其實下次walk in 可能仲有機會有位, 不過我不會有下次啦.

跟住我同友人到地庫試下pancake作晚餐. 平時來到都見這間食店好多人排隊, 可能係晚飯時間反而店內好多位.座位同環境都舒服唔錯, 不過餐牌選擇就真係唔多, 而咸點都係得3-4款啦..

同友人每人點左杯Matcha Latte, 再點左個芝士火腿三文治同埋店內出名既Souffle pancake.

店員服務都唔錯, 見我地點2份都好自動再另俾碟以便我地share來食, 而且2款食物同時送上時都會提點食左pancake以免凍左就唔好食啦.

Matcha Latte好香綠茶味道不過飲飲下有點太濃而有點苦, 整體都唔錯甜度岩我口味, 至於個pancake又真係好鬆軟好香既蛋味加上牛油,忌廉及糖漿食真係唔錯

反而最失望應該係三文治, 麵包唔夠鬆軟帶點硬, 薄薄芝士同火腿一D都唔吸引如果收$78真係有D唔值.

整體上來講如果來試下pancake都唔錯, 至於其他食物就真係麻麻..幸好今次不用排隊.

地址: 尖沙咀河內道18號K11購物藝術館B1樓B111B號舖