The Joomak@海港城


星期二約左朋友食飯, 大家都想行下街就決定來海港城搵食. 估唔到咁耐無來都開左好多食店選擇, 今次係LCX入面就試這間韓國餐廳, 其實入來時都無咩期望大家都估同係韓國街既食店差不多啦. 

地方都幾大入面有D位置係面對海景既, 可惜我地被安排坐餐廳中間, 其實枱與枱非常接近. 如果FULL HOUSE時大家都會坐得幾迫幾辛苦. 幸好當日係平日加上我地早食晚飯, 所以食到走時隔離都無人坐. 

餐牌都有3款晚餐SET其中一款又話講到每日只供應十客咁厲害!!我地睇左一陣餐牌都覺得這款只限量供應既晚餐套餐比較吸引
先來牛肉壽司, 味道都唔錯好香麻油味道. 

再來就係魚糕湯仲要有個小火爐小滾個魚湯再配旁邊既酸酸地既汁. 個魚串有3大串魚肉淋身唔似港式魚蛋既彈, 自己最喜歡就係個湯底有D蔬菜好清甜


最後來就係這一大盤炸物再沾上濃郁既芝士汁, 店員教先將炸物沾上芝士汁再加紫菜食就最正, 食到中間時就可以剪麵包來食.
這大盤食物有炸雞, 炸魷圈, 炸翠肉瓜, 炸年糕同泡菜. 其實所有炸物都炸得好脆身而唔算太油, 我自己最喜歡就係炸翠肉瓜, 估唔到咁厚身既瓜去炸係咁好味入面仲好多汁, 最唔好食就係炸年糕炸到好硬身真係唔得. 至於個麵包都焗到過火又係好硬. 
雞肉都唔錯包埋脆身紫菜再加少少泡菜又可以去除芝士同炸物既油膩感. 
不過這盤芝士盤一定要趁熱..

套餐會包2杯有酒精/無酒精飲品, 我就叫左個士多啤梨馬格利; 友人就叫無酒精藍莓味馬格利. 講真就算有酒精版都係輕微似沙冰咁.
但成個套餐先$398, 單單叫左大炸物拚盤都要$208, 所以這個套餐真係叫抵食.









留言

熱門文章