2016挪威之旅~ Day 3 (Bergen - Geiranger)

8/6/2016


今日開始就係我地自駕遊啦。。。一早係hostle食埋早餐就去Avis攞車。其實拖行李都係10分鐘左右就到間店都算近。我地問辦好手續,職員叫我地再行前一個街口既停車場自行取車,一連5日包全保險係NOK3610,真係抵啦。


這架係電加油既車,力氣就唔係好夠, 不過車仔細細2個人都岩岩好既而且都慳油. 一連5日我地就靠佢。今日車程都幾多由Bergen去Geiranger, 大概要6小時車程 。不過我同團友分別開車, 加上團友唔係成日開車之人, 所以我地花多左2小時先到達. 不過唔緊要安全至上.
至於挪威開車真係幾好既, 起碼就算你慢後面D車都唔會推你, 一般都會保持2個車位距離, 到佢地真係頂唔順先會超車啦.
不過挪威既有D路真係唔係好好開, 路窄任D路段又單線雙行. 幸運地這7天都平平安安. 因為要6點前去到Fossen camping報到,所以我地中途都好少停低部車,只係中間去左1,2間比較大既超市買定跟住幾日既食物。這幾天我地都有坐渡輪一程連一個乘客大約NOK 100左右啦. 有時行行下會見到D羊行出來馬路好得意.
中間好多時既風景都係見到一個大大既山同瀑布. 正正初夏來有個大太陽, 中午時份天氣和暖未至於熱覺得好舒服. 可惜今日趕路所以無咩時間停低休息下影下相只可以係車邊行邊影!
不過我地向山上行, 所以我地由原本十幾度既地方會慢慢變到周圍係積雪既山同得番1度左右啦..幾特別架!!








我地5點左右就到啦,攞到2號房間好開心!!雖然個小露台有D樹阻擋個景,但都可以影到個大海峽呀. 個Camping係山中間, 所以周圍都無超市亦無餐廳




我地住既Camping可以望到大海峽,我地係木屋休息下執下行李,再準備好晚餐食飽後見時間尚早就去埋附近一個景點"皇后之椅" (Fjordsetet),  坐係度真係有一個好好景睇下而且座位非常舒服係度休息真係唔錯。
如果大家有興趣這2個影相位可以參考以下連結:
http://www.visitalesund-geiranger.com/en/Product/?TLp=381416


 其實這個"皇后之椅"有個唔算多人知既影相位. 這個影相位有D似就係企好高斷崖不過就安全好多. 這個位其實係廁所方向後面山行2-3分鐘就到架啦..

跟住我地影左一陣相就回木屋仔休息啦,明天要行黃金之路!!!


留言

熱門文章