窮遊簡易食譜~三文魚蕃茄濃湯

有時係出面旅行想飲啖湯水都未必咁易搵到, 係挪威住既地方好多時都係無餐廳/食店係附近, 所以都係靠自己煮野食多啦...當日早, 午餐食麵包加上好似天氣熱定活動得多, 到晚餐時我地都無咩胃口, 咁不如整個酸酸地既蕃茄湯仲好過..
其實煮蕃茄湯我會喜歡用罐頭蕃茄多於新鮮, 煮出來會比新鮮既更加濃郁..


材料:
罐頭蕃茄 1罐
糖 2-3湯匙
水 半杯
鹽 1茶匙
三文魚刺身碎粒 適量

1)罐頭蕃茄加入水及調味用大火煮10-15分鐘
2)湯倒入碗再加入三文魚粒即可.
P.S如果唔係可以生食既三文魚, 最好煮湯時最後3分鐘加入一起煮