甜入心@深水埗

有D食店第一次你會覺得好味, 但你再去多2,3次後你會覺得食物味道好似唔同左又或者餐牌內既食物選擇你都差不多食過晒咁好悶.

這一間甜品店算係我覺得隔一段時間再來食物味道仍舊, 不時餐牌內都加入新款甜品, 所以都算佢係這一區內仍然存在的原因!!

店舖都算大, 所以坐得唔會太迫, 而且店內仍然有一個枱免費供應花茶同朱古力火鍋都幾窩心. 不過我從來都無試過佢地既花茶, 所以不知味道如何!!

我同友人點左2個個甜品, 甜品名真係唔記得.不過一個就係用芒果沙冰做底再加入芒果肉, 水晶粒同咖啡粒....初時都以為用咖啡粒苦苦地去配芒果有D怪, 點知撞出來味道又唔錯, 甜中帶點咖啡香又幾特別.

再來就係椰漿底加2粒椰青粒, 水晶粒同雪糕...這店整既椰青甜品真係好好味, 所以這一碗只得2小粒椰青粒真係太少啦, 椰漿汁甜度適中,反而覺得加入雪糕令到個甜品太甜太漏.

整體上這店甜品真係做得好有心機味道好, 我覺得價錢都叫合理, 每人都係$27左右

地址: 深水埗福榮街57號文昌閣地下B