煙三文魚伴小米沙律(附食譜)

如果假日留係屋企, 我自己鐘意整沙律作為午餐.
非洲小米(Couscous)係我其中喜歡既食材, 佢有米飯既飽肚, 不過煮法簡單得多而且當沙律或主菜食,  用來做粥,煎米餅一樣可以真係千變萬化.

睇到篇文章介紹小米功效真係唔睇都唔知咁有益, 鹼性食物適合身體孑虛弱人士特別產後婦女, 失眠及神經衰弱人士食用.

今次就簡簡單單整個帶點咖哩香既沙律先, 前後唔洗20分鐘就可以食.

材料:
煙三文魚 3片
非洲小米 6湯匙
熱水 6湯匙
咖哩粉 1湯匙
鹽 1茶匙
提子乾 適量
蘋果 適量
青椒 適量
蕃茄乾 適量
橄欖油 3湯匙
黑醋 2湯匙

1)小米加入咖哩粉及鹽攪勻再加入熱水加蓋焗15分鐘
2)蘋果,青椒, 蕃茄乾切粒, 待小米焗後加入材料攪勻再加入橄欖油醋即可

P.S沙律既食材好個人化, 自己係家中見到有咩材料都可以配搭.