Club 28@銅鑼灣

好耐無約朋友星期日出來行下街食下野,難得友人星期日得閒我地就約出來傾下計。其實銅鑼灣真係無咩high tea既地方,無意中見到這裡食評介紹都唔錯,所以我地就決定來試下啦。
準時2:30PM就到達,地方唔算大室內只有8張枱啦。不過枱與枱都有距離,座位大張又舒服真係一個幾好HEA同傾計地方。這裡一邊就係對住住客泳池; 另一邊就對住街景。不過位於28樓,所以遠遠都望到少少維港景色既。

因為我地都鎖定目標係點high tea set, 所以一坐低就點餐。這個set$388(2人)包普通茶/咖啡/橙汁又或者選擇餐內青瓜牛油果冰/草莓乳酪雞尾酒。(這個套餐應該同某髮型產品合作; 所以只要跟足他們指示於FACEBOOK簽到就會送護髮旅行裝)




友人唔飲酒就叫牛油果冰; 我就點左杯雞尾酒。講真2杯特飲都係一般啦,所謂雞尾酒都無咩特別只有少少草莓味。

再來就送上食物啦; 好特別第一次食high tea set有包個小小泡飯。講真這碗細泡飯既湯底真係好有膠質架,清清地味道不錯。

低層是咸點(雞翼; 龍蝦三文治; 風乾火腿多士&青瓜煙三文魚芝士卷)
中層就係英式鬆餅同cream brulee; 上層就係甜點(綠茶蛋糕; 藍莓撻; 泡芙; 豆腐芝士蛋糕& Choco brownie)


每樣食物都唔錯不過不至於會令你有驚喜既,自己整個SET最喜歡係個綠茶蛋糕起碼綠茶味濃郁蛋糕鬆軟; 反而個豆腐芝士有點失望餅底太濕芝士淡。
另外最無期待既SCONE都做得出色; 可惜配clotted cream太重奶油味反而元藍莓醬就比較好些。
咸點方面雞翼可能自己放太耐先食啦凍左味道一般; 反而個煙三文魚卷夠多cream cheese喜歡芝士既我就覺得非常對味。

整體上食物同飲品都屬一般; 反而上來都係食環境多於真係為食物而來。

地址: 銅鑼灣禮頓道8號香港銅鑼灣皇冠假日酒店28樓

留言

熱門文章