Tiger Curry@銅鑼灣

認識這間店是因為這裡有一大盤咖哩飯, 有興趣的人係可以挑戰自己食量.不過只係睇個圖片咖哩飯又真係幾吸引我去食....
二星期前就決定來試下這裡咖哩. 當晚6時半左右加上平日來到店鋪細細唔算多位, 已經有幾枱客人,我地安排坐近門口.
店員都好貼心即奉上一個藍子俾友人放袋.

2個人都唔算太好胃口, 決定叫個沙律同咖哩烏冬一齊食.
其實餐牌食物選擇唔算多, 沙律都係只有3款可惜當我想點其中一款時店員話沽清!!
下.............晚市剛開始就沽清!!最後點左另一款日式沙律, 用左菠菜青瓜等再加入胡麻醬, 蔬菜好新鮮不過初時來胡麻醬好少, 後來叫店員再加添胡麻醬她們都非常樂意.

咖哩選擇就多啦,除左有平時我認識的日式咖哩, 仲有白咖哩, 黑咖哩及綠咖哩, 今次我地試個白咖哩, 面層泡沫係用薯仔打成, 聽個名又真係幾吸引, 但味道就一般.自己覺得淡而無味, 豚肉片亦無咩味道, 成碗野我覺得烏冬叫最好味再加入半熟蛋.

整體上食物味道都OK, 只係佢地特色咖哩就好一般, 下次有機會來都係叫番正常日式咖哩比較好D.

地址: 銅鑼灣邊寧頓街14號地下