2016挪威之旅~ Day10（Lysebotn-Stavanger)

15/06/2016

一早就要起身準備出發回Stavanger還車啦...這間hostel都係有包早餐, 所以我地都係食飽先出發!!這間早餐相比前一天既食物選擇差好多, 都係一般簡單麵包,火腿片及咖啡茶...

我地準時去到機場還車後就坐番機場巴士回市區行下....第一站更係去火車站放低行李先啦.這裡只可以用信用卡付款.
其實機場巴士有個站係火車站門前, 所以十分方便.

因為我地會係火車過一晚, 所以我地有非常充足既時間係市區遊覽. 當日天氣麻麻, 幸好都只係落左一陣雨. 其實我地最主要都係環繞舊城行街, 不過我地無咩心水要買野, 所以都係亂行一通只係為左消磨時間.

 中午俾我亂入一間cafe, 估唔到D野又平又好味, 特別喜歡這裡的蛋糕. 初時都預左會比想像中甜架啦, 點知完全唔會甜度適中我同友人都覺得非常好味, 另外個pancake都好正. 我地係度hea下休息下就走人.

 

講真當行街D野又唔吸引個天又灰灰咁, 真係無咩心機行, 可惜我地仲有成幾小時先可以上火車, 中間我地忍不住要坐係廣場石椅休息下...令我體驗下慢活節奏!!!

最後友人同我去左舊城幾間超市打發下時間先比較好. 我地亦頂唔順決定早D食晚餐再回火車站坐下等火車好過.

原本想試另一間海鮮店, 可惜滿座要等1.5小時, 唯有亂選一間餐廳啦..不過這裡食物真係麻麻, 食物偏咸價錢中等啦..不過咁樣都令我地消磨左2小時...

 食飽慢慢行番火車站等一陣就可以上火車. 今次我地好勁呀..係坐位無安排包廂. 不過每個位都有提供毛毯, 眼罩等...
這一程大約10小時車程,早上9時左右會到達Oslo. 但係我地這10小時真係令我地痛不欲生, 我決定以後都唔會再坐只有座位的過夜火車. 基本上這班火車中途停好多過站, 最奇怪係零晨3點幾都會不停有不同既客上來坐, 最勁佢地唔理人地有無訓都可以係度傾計完全無理人感受, 所以我同友人基本上都無咩訓到.