榮發@大埔

一早約左友人星期日出去行下打算到大埔租單車玩下. 入到來更係早個早餐先活動!!!

友人眼利話見到有冬菇亭, 來到原來都只有一間食店.

地方都幾大仲有幾張枱可以俾人座係出面. 早餐選擇都多, 價錢由$23-35左右不等. 如果唔太饑可以叫個奶油豬加杯茶啦..

我就叫左個生菜鴨胸麵+鴛鴦; 友人叫左叉燒通, 餐蛋牛油多士+檸茶

友人見到隔離枱既多士咁正咪跟人叫啦..點知來到佢件多士真係唔得又乾身又唔似人地烘到帶點濃濃地完全唔得呀...餐肉又係紙咁薄仲要煎到乾柴...
唯一對版就係碗叉燒通加杯茶..

我呢...見到2大片鴨胸都唔對胃, 又係炸到乾柴咁都唔好食, 個麵湯底無味喜歡健康既人都應該岩既, 至於杯鴛鴦..無茶香太多奶..完全唔得..

難得入來大埔想食個正早餐都浪費左個機會.

地址:大埔富善邨熟食亭5-8號舖