燒閒站@土瓜灣

因為我地決定留肚食甜品, 所以第一轉我地決定食串燒作晚餐.

星期日晚上6點來到, 太早原故我地都係第一枱客.

枱與枱都空間唔會太迫, 而且我地坐卡位都幾舒服又有個大電視.

這裡點餐好似放題咁用紙自己選擇, 當中都有幾款特價串燒(以燒蔬菜以主)

我同友人都係食菜多過食肉, 特價串燒就岩晒我.

我地選左娃娃菜, 秋葵, 豆角, 豆卜同響鈴(每串都係$6-8)真係抵食. 原本對響鈴十分期待, 點知我食果件入面都好似有點淋左唔脆身, 反而燒娃娃菜同豆角就好好味再加上微微辣粉好惹味.

另外我地再點左牛舌, 雞腎, 羊肉(由$14-16)幾款肉類都用同一款醃料攪到我食時都分唔出咩肉既味道. 如果牛舌簡單用鹽燒就已經好好味, 反而用左用羊既醃料太重味我就覺得麻麻地;

雞腎同樣出現這個問題, 所以肉類串燒我都只覺一般.

最後係蒜蓉聖子($28/2隻)同樣抵食之選, 咁既價錢預左唔會大隻, 不過燒得剛好唔會過火.

P.S不過大家這裡點多串燒就要對下單, 我地叫得唔多都有漏俾串燒但照計錢既情況,相信這個情況一定好多事會發生.

整體上這裡食串燒又真係幾抵食, 簡唔中來作晚餐都好滿足!!

地址: 土瓜灣美景街45號