糖室 Chillazy Dessert@石硤尾

知道這間甜品店都開左一段時間, 一直都想來就係懶一拖再拖. 終於上星期食完飯有得閒就決定來試下. 晚上7點半左右來到, 人客都佔8成啦, 幸好唔需要等位就可以入座.

甜品店分室內同室外, 我地選係室內坐. 雖然店舖細細, 但其實座位都幾舒服唔會覺得好迫.

我點左個玫瑰荔枝冰;友人就要左個傳統既腐竹合果蛋意米

見到個腐竹蛋意米已經覺得用料十足, 都唔係一般既水狀有點似糊狀咁, 每啖都好香腐竹味道, 甜度岩岩好. 不過這個飯後甜品真係非常飽肚.

再來我既玫瑰荔枝冰都來, 所謂玫瑰都只係頂部有少許玫瑰花其實以荔枝味道為主. 中間有白桃乳酪雪糕, 有D這哩, 粟米片, 配料豐富, 唯一覺得加入粟米片有D怪之外. 其實整碗甜品都好好味, 刨冰好似細綿加入荔枝糖漿真係唔錯. 只係食到底部都沒有糖漿只有冰之下要放棄.

整體食物製作用心用料十足, 而且價錢合理唔會, 下次有機會再來都要試多幾款甜品.

地址:石硤尾南山邨商場平台熟食亭C4號