2016~大阪&和歌山之旅 (Day5 熊野本宮大社)

(2016年10月21日)

一早我地差不多9時就到餐廳食早餐啦..點知成個餐廳一個人都無係連服務員都無, 只係見到有D白飯同飯係枱面. 大家都預左無咩好野食架啦..點知當我地係度裝飯時, 有個叔叔就見到我地即刻走入廚房整左2盤食物俾我地啦..這個早餐真係好好味(除左粒肉丸)個玉子好滑好好味, 我真係忍不住又走去添飯食啦.

食飽執行李走人啦...check out時都要等好耐先有人來front desk真係好特別的酒店. 基本上整整12小時多我地都見唔到一個住客.




走人, 向熊野本宮大社出發!!!!
因為早一天已經行完那智瀑布及熊野那智大社的景點, 友人就建議今日去埋熊野本宮大社睇個日本最大鳥居同埋花1-2小時行下熊野古道當作做下運動.

大約開左30分鐘左右車程就到啦..其實對面就有個無料停車場, 但我地就跟左前面架車入左熊野本宮大社另一個入口既停車場停車,以為唔洗行條長樓梯, 點知我地行完山回來咪又係要行番上去取車.


 


 

行完就可以過對面馬路去睇下日本最大既鳥居, 行到去真係嘩一聲. 個鳥居真係超巨大再要加上一大片田園真係好正.




 行完個鳥居後, 我地就跟住D指示版向熊野古道既登山口出發行下山啦, 我地都係預計花2小時左右來回啦.
初時都想行晒成段路既, 可惜當日天氣都熱加上我發神經穿左件長加厚既衫學人行山,所以我地行到2個景點後, 就回頭走人啦.
幸好登上山時天氣愈來愈清涼,加上好多大樹未至於熱到想死.







我地花左2小時半來回, 見都無咩野做就決定早D到最後一晚的酒店check in. 這一間係官網訂.
Asahiro朝日樓(yen 12100)包早餐.



我地差不多3點到達. 初時有個男人走出來話要4點先可以交房. 我地都想要出去食完午餐再來.點知走到去停車場時佢又話可以提早俾房我地, 攪到我地一頭霧水. 跟住就俾左2間房我選, 一間就高層新D(免費upgrade); 一間就底層但就話榻榻米房. 嘩, 我一聽到榻榻米房更係即要啦..理佢upgrade定無呀)
點知入到去先知佢所謂榻榻米房係個地板呀!!!HAHAHA..算啦有得提早入去放低野已經好舒服.
今晚最後一晚浸溫泉啦, 所以我地就出去附近食午餐兼買定少少野食就回酒店嘆下.
見到有間拉麵店, 我地就入去試下. 4點幾只有我地2條友...真係唔洗講日本拉麵真係好好味呀...食飽後我地誤打誤撞走左去個類似shopping mall同超市既地方.
其實我地住既這區好似係田邊市, 又唔算好熱鬧既地方, 周邊都無咩行發現到這個比較大既shopping mall已經算好.
當然無咩野買啦, 只係超市執左少少食物就回酒店休息.


這間酒店浸溫泉既地方雖然細D, 但如果黃昏來都見到少少海景幾正. 加上浸完又有免費按摩椅玩下都幾舒服.



留言

熱門文章