傷心酸辣粉@尖沙咀

早前同友人去睇演唱會, 時間緊迫就決定係附近搵食. 見好耐都無來食個酸辣粉就決定今晚來這裡食.

在商場2樓店鋪唔算大, 一般都需要撘位. 安排坐4人卡位, 2個人迫埋一邊, 枱都唔大, 所以4個人坐時, 而大家都點2人套餐就非常迫啦.

我地點左個2人套餐, 又真係幾抵食架, 2個粉麵再有3款小食同飲品, 每人都係幾十元.

友人點左酸辣粉; 而我就點左個涼拌水晶粉, 另外點左蒜泥白肉; 麻辣肚絲同埋個青瓜.

我個涼拌水晶粉真係偏淡味就算有好多辣椒係面層, 但真係無咩味道可言.

另外蒜泥白肉唔知係唔係叫無辣, 所以同樣都無咩味道.

反而個青瓜同肚絲唔錯微微辣夠晒惹味.

整體上食物都OK, 簡單幾十蚊都叫豐富既一餐.

地址:尖沙咀科學館道14號新文華中心1樓121至123舖