Kikusan@銅鑼灣

今次又來希慎搵食. 其實上星期去左隔離食pizza後, 見到這間餐廳都已經想試埋.

平日既晚上7點來到都係勁多位, 基本上食客都係得3幾枱.

餐牌食物選擇唔算多都係分中式及日式. 來既原因都係見到好多食客都點這個我壽司卷. 講真以價錢來講又真係相當抵食, 大埋的海膽已經吸引啦, 中間有吞拿魚肉碎, 下層就係8件青瓜卷. 每樣材料都新鮮美味特別係海膽及魚子無腥又帶鮮甜, 值得一試.

再來點左個千層豬扒擔擔麵; 小籠包及綠茶紅豆驢打滾.
我自己最喜歡個擔擔麵, 唔辣但夠香, 最喜歡係個炸層豬扒, 肉質唔會好鞋可能千層做法.

 小籠包一客4件單睇賣相都好吸引, 可惜皮太薄係薄到每件一夾起都穿, 而且入面既肉汁亦唔算特別鮮甜只屬一般.

 最後既甜品真係有D令我失望. 個糯米皮一D都唔煙韌又無咩綠茶香, 紅豆餡料亦只屬一般幸好花生椰絲俾得夠多先不至於令到個甜品無味道.

整體上這間食物價錢合理份量唔算特別多, 可以一次過叫多幾款食物.
平均每人都只是$100-120左右

地址:銅鑼灣軒尼詩道500號希慎廣場13樓1301號舖