Pizza Maru@銅鑼灣
究竟係市道唔好?定我早食飯呢? 連續2星期7時來到希慎食飯都見到好多餐廳都無咩食客?
餐廳都幾大不過枱與枱之間距離非常小, 坐位亦唔算舒適!
今晚同友人點左芝士海鮮飯同蒜香蜜糖辣雞.
先來就係個芝士飯, 芝士放係鐵板上單睇個芝士份量都算多, 再配上中間海鮮飯一齊食又覺得幾邪惡. 不過我自己對這個飯就麻麻, 本身個炒飯無咩味道面層既紫菜好明顯都變軟放左好耐咁, 再加上旁邊的芝士只有淡淡芝士味,攪到成個炒飯就更加無味道.
再等10-15分鐘炸雞亦送上, 即叫即炸單睇個樣都流晒口水.
雞炸得外皮脆卜卜岩晒我D咁喜歡食煎炸野既人. 自己點既係蒜香蜜糖辣雞, 不過明顯蜜糖落得好重手好甜, 如果再加多少少辣味我會更喜歡.
一客6件每件份量十足, 認真抵食. 下次有機會再來 都想試下佢地既薄餅同其他味道的炸雞.
地址:銅鑼灣軒尼詩道500號希慎廣場13樓1302舖
留言