雲姐豆腐花@流浮山

新年時有4日假期更係出去行山走走, 估唔到行完菠蘿山後由白泥行到流浮山足足花左2個鐘.

行到2條友都好鬼肚餓, 但當時先4點幾又唔敢入酒樓食晚飯, 最終我地係流浮山見到2間有炸物既食店食下小食當晚餐就算.

第一間就係這間雲姐豆腐花, 我地非常好彩叫到最後2碗既豆腐花再每人點左串炸生蠔食.

點好自己搵位坐低, 等一陣豆腐花就到啦.

這碗豆花真係好味好滑, 最喜歡佢加入左薑味既糖水, 真係想再食多碗.

 即叫即炸既生蠔, 新鮮熱辣每串3隻. 炸得一D都唔油脆身加入少許准鹽非常美味.

下次有機會再來必要再食豆花同試埋其他炸物. 

地址: 流浮山正大街51號地下