Dodam Chicken@銅鑼灣

見到又有新炸雞店開張, 忍不住又同友人來試下...當晚我地平日晚上7點半左右到達, 成間餐廳都無咩食客. 我地安排坐係4人卡位, 環境帶點暗sofa座位夠晒舒適.
一坐底服務員就提示點餐時每人有一罐飲品免費.
我見到餐牌炸雞都有好幾款選擇, 除左炸雞亦有年糕, 意粉, 薄餅等都算幾多元化.見到有一個叫炸雞拼八爪魚見到都幾吸引, 可惜人少所以我地最終都係放棄

最後我地點左個蒜香炸雞同沙律.  2份食物份量都偏大, 估唔到個炸雞好似有整整一隻雞既份量.

味道我覺得唔錯, 醬汁夠多每件雞都沾蒜香醬, 雞就炸得剛好入面既肉唔會太鞋都算唔錯.

反而個沙律就好一般, 入面有D腰果但就唔夠脆身, 而面層加上芝士粉亦無增加沙律味道,.

整體上炸雞算必點食物, 下次有機會都想試下其他口味炸雞同薄餅. 這裡服務真係幾好, 環境又幾舒服. 唯一份量真係偏大如果多幾個人先可以點多幾款食物.

當晚除左每人送左一罐飲品外, 整單都有8折優惠, 平均每人都只係$150左右都算幾抵食.


地址: 銅鑼灣波斯富街99號利舞臺廣場18A號舖