清洗豬肺

上2星期玩完豬肚, 今次攪下豬肺. 不過我覺得豬肺真係多D人買, 好似我星期六一早到街市懶老定咁預左會有得買, 點知平時買開既肉檔原本話無, 幸好最後一個, 所以如果大家想買豬肺都係早一日去肉檔預留比較穩陣.


今次想同大家分享下清洗豬肺事前功夫....宜家好多事去肉檔豬肺已經啤好晒水, 咁樣番到屋企做少好多野.
其實最煩既步驟都係炒豬肺, 不過所有野都係15-20分鐘既事. 平時出去飲豬肺湯都唔平, 係家只要花少少時間就做出係街要買幾百蚊既豬肺湯咁都值得.

材料:
豬肺 1個


1)豬肺回來都再清洗去左血塊
2)清洗後切大件(因為炒後會縮小)
3)白鑊燒紅放入豬肺炒出水, 將水倒清, 重覆3-4次炒至豬肺無出水及帶少少微黃即可.