北正宗@新浦崗

近期喜歡去唔同地方搵食, 今次來新浦崗. 來前已經鎖定目標食越南野. 晚市開6時半, 我同友人6時40分左右到達,入面已經坐左幾枱客.

店鋪唔算好大,不過勝在光猛, 就算安排同其他食客坐同一張枱, 但大家都有足夠距離唔會坐得唔舒服.

2個人叫左個走地雞湯粉; 牛柳紙米卷同埋椰肉椰漿大蜆.

3款食物當中我自己最喜歡就係個大蜆,一D沙都無好鮮甜, 基本上我不自覺地連湯底都飲左好多. 雖然用左椰漿做湯底, 但唔會太濃係帶清甜椰子味同個大蜆好配合.

再來既牛椰紙米卷都同樣出色, 牛椰無筋好重牛香.

最後既走地雞湯粉就有點令我失望. 雞肉可能俾左雞胸位有點鞋口, 而個湯底亦唔算特別清甜只屬一般.

整體上食物都做得出色, 下次有機會再來要試埋其餘美食.

地址:
新蒲崗景福街87號地舖

北正宗

北到星期六無咩做就來