2017 ~墨爾本塔斯之旅 Day 3 (Ross ~Cataract Gorge ~ Sheffield ~ Stanley)

10/04/2017

今日都係要開4-5小時車左右.

這邊check out時間都係早上10點, 咁我地自然每日都會好早起身執行李還原間房俾人先走人.
一早整好晒野整埋午餐, 我地就向Ross出發去Ross Bakery食個早餐.
開左差不多1粒鐘就到達. 唔知係唔係仲早定平日呢, 當日唔多人..店舖細細不過我已經見到我的目標~ Vanilla Slice.
一早嘆杯咖啡加件蛋糕真係好開心...件蛋糕真係好好味中間好似custard咁唔太甜又滑面層既酥皮好鬆, 而佢杯cappuccino同樣做得出色, 初時以為整個澳洲既咖啡同樣美味; 點知去到其他cafe我地已經飲唔番這裡既味道.
另外想介紹這裡的肉批都非常好味; 我叫左個叫devil pie入面其實有D蘑菇, 蔬菜粒, 蛋同牛肉, 相比澳洲專賣PIE既連鎖店, 這間真係做得太出色.
真係值得我專登開車來為食這個美味可口既早餐, 順帶一提Ross這個小小鎮真係好舒服, 下次再來我都希望可以住一晚.







食飽出發去下一個景點~Cataract Gorge入面有個好大既公園, 大家有時間都係可以係入面散下步行下山,好似我咁時間有限咁就不如花少少錢坐佢地既纜車來回走走都係一個唔錯選擇.
琴日落完左大雨之後, 今日天氣清涼好舒服, 坐係纜車上望晒整個公園景色又係另一番風味.
過到對面公園我地都係行左一陣就回程(因為我只係買左1小時停車費).







準備出發到第二景點, 初時同友人商量要唔要去個cheese farm, 今日天氣好路面暢逍所以決定去壁畫鎮前去左Ashgrove cheese farm睇下有無咩芝士可以買來食.
應該開左唔洗1小時就到達啦...這個農場除左好多帶團人士光臨之外我見到當地人都會來買牛奶回家...我地入到去有多款芝士提供試食, 而且佢地切到細細件買唔會迫大家買太多.
不過我地最終無買芝士而係買左牛奶同pack 煙三文魚作為晚餐.





跟住我地就去Sheffield 壁畫鎮睇下順便作為我地補給站.
這裡四處都有好多大大幅壁畫幾有特色, 不過我同友人都係隨便睇下就算. 一心一意入去超市入貨再去埋入油就向Stanley出發.


來到Stanley小鎮都已經5點幾,第一時間更係搵住宿先..今次個主人住係隔離, 不過可能我地咁遲check in佢都係放左封信留俾我就算.
今晚這一間同樣好靚, 好舒服.
我地見時間尚早就係附近行下先煮飯食.





原來住宿隔離有間好大既海鮮餐廳, 可以堂食/外賣都得.個魚缸有好大既蟹同龍蝦, 最後我地決定買隻熟龍蝦加餸, 一隻都唔係好貴都係Aud 55左右.
今晚真係好豐富, 這店既龍蝦真係好鮮甜煮得剛好, 想豐富D再沾D牛油汁食真係一流.





食飽我地又再出去行下, 原來這裡又有企鵝睇..不過佢睇既位基本上落左個閘..所以睇個企鵝牌就算.
這個小鎮有間pub飲下酒, 當晚經過都唔算多人. 
行左一陣就要回去...唔知係唔係近海呢, Stanley真係算幾凍下...我地都係要早D休息, 明天一早準備去行埋The Nut先出發!!


住宿: On the Terrace, Stanley

-即日超巿攻略:Stanley,Ross係直接經過超巿;當中尾站會經過Burnie。順帶提醒一下,當地超巿唔似香港,大部份唔會開太夜,另外公眾假期會關閉。 + 感言:天氣好,每站都係美景美食,趕路也舒適。天亮約八點,七點前天黑。Ross Bakery既有美食,小鎮都好靚,可媲美日後的Richmond。Cataract Gorge只行了一小時有點不足,但係第一個行程,無法加上趕泊車! 芝士店係愛食芝士必去,但若果無特別就無所謂。壁畫鎮的壁畫幾多下,落車沿路應該都有八成,但第二日都會經過。Stanley海旁比較值得住,鄰近海灘傳說有企鵝,寧靜同埋都有星,但注意天氣會特別凍。

留言

熱門文章