香港腸粉皇@土瓜灣

土瓜灣周圍都好多不同既小店, 今次這間是友人介紹, 趁店內唔係好多人就決定入來試下.

店鋪唔大只係有幾張圓枱; 好多食客都係熟客啦...都未坐落就可以點埋食物...唔似我左望右望...原來這裡食物選擇都唔多, 只有3款蒸飯/粥品; 腸粉反而有成8-10款選擇; 另外留意到最多人點計腸粉之外就係例湯...真係厲害!!

今晚我點左皮蛋瘦肉粥再加個薑汁豬潤腸

粥好綿好香; 最喜歡佢加左多蔥花同大菜頭粒帶點咸香好好味; 另外皮蛋切到細細粒, 每一啖都食到皮蛋...

另外要一讚都係佢既腸粉, 皮薄而做得好滑真係好得; 而且入面既豬潤都係蒸得剛好, 好出色.
下次必再來試埋其他口味既腸粉.

地址:
土瓜灣譚公道98號兆豐閣地下1號舖