冬瓜盅(附食譜)

我都唔知點解出街食冬瓜盅都唔平架...但其實佢相比其他咩豬肺湯呀既功夫又真係少好多喎...

咁簡單既湯水...咁不如自己係家整啦..至於落咩湯料...有平有貴大家自己喜歡就可以...

如果喜歡有海鮮既話..又可以買D蝦呀,最後加入...

好似我家人咁喜歡竹笙; 冬菇..所以我都落得重手D...想再潤D可以落埋新鮮蓮子...變化多端!!!

今次俾我見到街市有買細細個既冬瓜仔好鬼得意, 買一個用來湯..其實已經夠一家四口飲架啦...

材料:
冬瓜 1個(約4斤)
乾元貝 4粒
冬菇  4粒
瘦肉  4両
竹笙 4條
蝦米 適量


1)將元貝; 冬菇, 蝦米同竹笙浸軟身留水待用
2)冬瓜切去頂起入面肉切粒, 隔水蒸15分鐘
3)瘦肉用生抽, 糖醃15分鐘, 將所有材料加入已蒸冬瓜內加入之前浸既元貝冬菇水再隔水蒸1.5小時加入鹽調味即可.