天麻川芎白芷燉魚頭湯(附食譜)

我唔算係對D藥材湯水有好感既人,但記得N年前同亞姨一起上大陸佢叫左這個湯, 我試後又覺得好好飲我又接受到果D藥材味道, 後來先知道這個湯水有止頭痛既功效..

近日唔知咩事簡唔中就頭痛, 所以醒起就去買D材料試下煲來飲..心理上飲左都覺得好似舒緩左少少....

今次係用燉既方法, 相比煲就更加重藥材味道, 大家如果唔係太接受到就試左用煲既方法.

材料:
大魚頭 1個
天麻  4錢
川芎  4錢
白芷  4錢
薑片  數片

1)魚頭加入薑片煎香, 其餘材料浸洗後加入燉盅加入8杯水隔水燉2小時加入調味即可飲用.