熨烤達人@鑽石山

有一次經過見到有這間店, 被佢既大公仔吸引覺得好得意...原來係韓國燒烤仲有個好似熨斗既野壓住D肉去燒...所以上二星期就忍不住來試下...

這個商場食店好多, 但真係間間都要等位, 所以我地都提早食個晚飯免得排隊之苦, 估唔到我地6:15PM 到達都已經滿座..用餐時間無記錯係得90分鐘.

如果唔想食燒烤, 佢地都有好多熟食選擇.佢地既熟食都好似好吸引咁.
 不過我一心一意就係想燒烤, 所以2個人就叫左個五花腩, 雪花牛同一盤什菜.

點完野就有個小姐來倒D蛋汁係個爐, 跟住就話粟米同芝士可以放落蛋汁內...另外仲有4款配菜同一份生菜供應

再來就送上大大份既五花腩, 小姐就會幫我地用個熨斗壓住塊肉去烤啦...跟住再反轉再燒D肉時, 小姐就連個熨斗都收埋...我基本上都無得自己去玩個熨斗..@@

講番D食物先...我同友人最喜歡都係五花腩. 肥瘦分明再包埋生菜同D配菜一起食真係好滋味呀...
反之雪花牛就較遜色, 雪花唔算多啦有D仲有筋位麻麻地,

不過2份肉份量十足, 我地都係好吃力先可以清晒D食物.

我地覺得最唔好食就係個烤蛋呀..味道好怪.

另外這裡服務都唔錯, 仲會主動問要唔要加配菜都唔錯...

整體上食物質素都唔錯, 只可惜用餐時間太短,同任食時間一樣..我地2個人每人$300真係去食任食仲多D選擇.


地址:
鑽石山龍蟠街3號荷里活廣場3樓320C號舖




留言

熱門文章