韓國首爾之旅~ Day 2 北漢山國立公園(道峰山)

18/09/2017

今日唯一個行程就係去道峰山. 一早起身係酒店度食左個輕便早餐就出發啦...
我地係1號線, 所以以為唔洗轉線就可以直達. 點知中間原來有個站係有分線, 但我地2條友無留心廣播,見部車係月台等咁耐再跟住開車時就回頭走..我地就係下一個站落車再等下一班車啦...點知都係坐回去另一個應該唔到道峰山車站既列車...轉轉接接終於搵到個岩既列車到道峰山.


一出站過對面馬路就已經見到好多行山用品店舖. 今日行山既眼見都係D 上左年紀既韓國人, 仲要個個都穿得好pro.
我地上山前就買左條壽司同少少補充體力既飲品, 事因今次既行山我地都無點睇..只係知道來到道峰山車站跟住人潮行都應該無問題.不過睇到其他blog介紹見到圖片都好多人, 但唔知點解我地當日去又唔算太多人, 就算買野食既店舖都無咩邊幾間有開...

 我地其實今次真係無咩點睇資料, 亦無咩事前係香港行下山訓練下腳力, 所以我地好多時都好多休息位....未行到1/3路程我地已經要開餐食午餐...簡簡單單一條韓國壽司真係好鬼好味...

 我地行這個路段係好似無另一條寫住有rock既咁難...講真頭2/3路程都好易好輕鬆...
 之後過左這個大石(好多人休息既位置)就開始有D難..首先有一段路都比較多沙石口段, 行時都要特別小心...再來就係有D大石頭...最後就會見到目的地在前.

 唔好見到好斜好難行, 其實後方有一個樓梯位輕鬆好多.
 終於上到頂, 這裡特別多人呀..地方企既位置都好少架啦..我都好佩服有D韓國人仲可以坐係度開餐..其實佢3個山峰頂係有路通過, 只不過山友腳力不夠...我地只好行下去遠望下就走回頭路落山啦...


上山後我地花左4小時, 落山就2小時...天氣好又唔太熱, 真係好舒服..韓國真係好岩行山...如果同一時間係香港行山一定又悶熱...

下次有機會再來都要安排下行山活動.
好啦..我地忍住肚餓要回市區食晚飯...不過我地都無咩頭水食D咩...最後就決定去廣藏市場行下先再搵食...點知去到這個市場已經見到好多不同食店..真係心動...原本打算去不同店鋪買D自己想食既野回酒店食就算..最後見到這檔都有D岩我地食既野, 重點係有中文餐牌加識講中文, 就決定坐係度開餐.     我地點左個煎餅拚盤同豬手..慢慢係度嘆又望住亞姐整食物真係超過癮...食物味道一流...這餐連酒水都係24000won真係好抵食.







食飽飯...我地更係唔會咁快想回酒店...更係要散散步落下格再食甜品先收口....最後係仁寺洞亂入左間咖啡店點左個雪花冰食...這裡既冰真係好好味...中間仲有一大埋紅豆...食到尾都唔怕無紅豆只食冰..滿足晒啦...大家都拖住腳痛既身軀回酒店休息!!

留言

熱門文章