韓國首爾之旅~ DAY 3 (站著吃韓牛서서 먹는갈비집, 梨大)
19/09/2017
講番個甜品先...真係超好味...酸酸甜甜好鬼開胃...唯一係D什莓唔係新鮮仲要雪得過龍...但整體來講這個冰都好好味.
今日係最後一日係首爾逛逛, 明天就一早拎車出市區行下.
來之前就見到好多網上介紹這間站著吃韓牛(서서 먹는갈비집), 佢係12點開, 我預計11點半來到排隊食第一輪...
HAHHA...最後我地係一早起身落留下食左個輕便早餐, 跟住好醒目地行去搵左租車公司既地址, 免得明天拖行李仲要搵路之苦..
結果我地要12點15分先到達餐廳....這裡比相象中容易搵到...只要坐地鐵到新村站7號出口,係出口反方向直行(過左CU便利店), 第一個紅綠燈過對面馬路(藍色果度)行小小斜路上就見到間餐廳...
未到餐廳係後面停車場就見到有一條人龍排隊. 初時我地見到咁多人係度排隊都估要等1個鐘先可以入去啦...點知佢地翻枱都好快, 我地大約等左二十幾分鐘就已經入到場.
另外一題, 這裡只係提供一款牛, 仲有一小碗蒜醬油, 一盤青椒同辣醬, 所以好多人都會預先去買定泡菜, 生菜同飯入去配牛食...我心急只係經過間CU店買左盒飯....至於飲品入面有售汽水/啤酒.
我地好好彩安排近門口位, 唔洗係中間吸晒D煙. 一埋位就唔洗問俾左2份牛同醬油啦..跟住亞姐會幫忙剪開D牛同埋走來翻牛肉, 所以全程都係唔洗自己動手...跟住我地唔識就將所有青椒都放埋係個炭爐去燒...點知後來亞姐走來就話青椒係生食唔可以咁樣燒...燒左就算下次唔好...
HAHHA...當然我地覺得燒左來食好甜又無咁辣...
講真這裡的牛真係醃得好入味, 無論燒到咩程度都好軟身好有牛肉味道, 配埋佢地生蒜醬油真係好易又KO一碗飯..
不過當入到去食時就會明白點解佢地可以翻枱咁快. 首先都唔會有咩機會俾你自己慢慢燒啦, 不停時就有亞姐來幫手將燒好既牛放入你個盤入面...當燒晒D牛就會問你要唔要再加牛, 唔加呢..就會即刻幫你收埋個炭盤..我地前後都係食左20分鐘左右...咁其實你都可以慢慢噗, 佢地都無趕你走, 只係我地都係快食快走既人, 加上入面真係煙霧迷漫.
2份牛連埋2碗汽水盛惠32000 won.
我同友人係整個旅程中都推擧這一餐係最好味同回味..
食飽飯出來都1點左右啦...我地下一站去梨大, 當然都係用腳行過去比較 .
行左成30分鐘左右, 終於到達...大家都會係度血拚一番....我地2條友今日總算有小小收獲啦...
買完野又行左一陣都無咩心機去睇下個大學景色..都係直接去番明洞唱多轉錢同最後睇下有無咩手信要買仲好.
去到明洞..我地2條友都超累....又去食冰先順便休息下..
中午餐飯都幾飽下...無試佢新出既哈密瓜雪冰; 反而點左個酸酸地既什莓乳酪雪冰
這一間叫雪冰(SULBING)都好多分店....單單係明洞已經有3間...我只不過係無意之中見到..就係我地之前Beansbins鬆餅Savoy Hotel斜對面...樓上店舖...當日4點幾去都唔多人...好舒服好好坐..
唔知係唔係韓國天氣都清涼..佢地見天氣涼都會開窗代替開冷氣..咁樣真係幾舒服..
休息夠皮我地又開始出發買埋親友們需要的物品...咁樣又攪左2粒鐘...跟住俾我地見到附近pokemon有水君打...當然去望下夠唔夠人一齊打...好彩最後第2場都有10人一齊打, 終算打贏不過就煙左啦!!!
買完野又玩夠皮..係時間食飯...這一餐真係無咩心水..又唔想係明洞食..最後我地2條友亂行去左仁寺洞附近再搵下食店...最後入左間唔太好味又似連鎖食店既餐廳食左餐非常麻麻既晚餐..是是旦旦食飽就回酒店執行李!!!
留言