2018年克羅地亞之旅- Day 2 Zagreb - Dubrovnik

2018.03.26

原本預設8點起床，點知7時已經訓到自然醒。大家梳洗好執埋行李就出去換錢。今日中午我地會坐內陸機去另一個城市Dubrovnik, 亦係我最期待, 所以我地今早一定要去換多少少當地貨幣, 果然銀行匯率比較好, 我地以7.39換左kuno。

跟住再重訪菜市場，早上好多店亦有開, 十分熱鬧。市場上面就以售賣水果為主, 我地亦以10 kuna買左1kg柑，抵爆。
市場旁有個小門入去落樓下又係一個市場。地下市場有肉店，菜店，蛋芝士等, 相比上面這裡清靜d, 外地街市真係好乾淨亦分開不同區域。

 

 

差不多時間回住處check out。最估唔到係11時check out,但回去未夠11時已發現二個行李已被搬到lobby。我只可以話幸好我地執好晒行李。

離開後，我地又回巴士總站坐同一個巴士回機場。未夠12時已到，櫃檯亦已開有工作人員幫忙印boarding pass同寄行李。安頓好後我地去機場唯一一間食店買早餐食，食完就check in 入內。（記住如想係機場食野，不要以為入內有得食。因為坐內陸機果邊入面係冇餐廳）

點知我地航班delay1小時開出, 不過上到去坐一小時左右就到Dubrovnik 機場。這個機場比起Zagreb 更細，一出去已經見到有人接我地的司機（事前向住宿處幫忙訂車接機）

原來這位是屋主。他係車內簡短介紹Dubrovnik,大家傾左一陣大約30分鐘已到他apartment 。

他們一家住係下面，我地就住係上面apartment 非常近但又有私人空間非常滿意。
地方真係好大開放式廚房, 唯一缺點係成間屋大但只有一個小小暖爐, 即係如果要訓就要拖個爐入房, 要係廳活動又要拖番出去...都幾麻煩.

 

 

這裡天氣比昨天暖小小，可惜第一天下雨。我地今日都預左無活動加上下雨真係無咩心機行, 只係去超市買這幾天的食物就回去。今日時間充足就整個什菜燴牛肉長通粉。

第一晩就話坐完長途飛機累早訓，點知今晚同樣早得嚇人，10時前。