2018年克羅地亞之旅- Day 3 Dubrovnik

27.03.2018

今天又係早過預定時間起床。食個豐富早餐, 這裡物價真係唔高, 簡單一大盒乳酪都係8, 9蚊kuno, 而且好好味.

 






我地都唔浪費美好的天氣未夠9點就出發。係香港網上已買定1天Dubrovnik card,我地就行去tourist， center 換領就可以。卡包去幾個景點（重點必然city wall)及24小時任坐巴士。原本我地預算一天坐船去附近Lokrum island 行下，點知我地來這個月份仍未有船去，只有私人船仲要自己去問船家。最後我地決定唔去，係這個城市hea下慢慢行下。

今日我地決定開通張巴士卡遊覧新城果邊, 後天才用卡係舊城既景點慢慢遊走。問左center既人叫我地坐6，2同2a係Tommy到落就可以。好彩友人一邊睇gps,唔係真係唔知落車果度係shopping center。

友人話附近又有個市場，我地沿著碼頭行一陣就見到。這個市場相比舊城入面大好多，而且有魚同少少海鮮買。不過當日我地來到都差不多10點多D, 好多店尤其魚舖都無咩野買.

近魚市場就附近有個公園仔, 見到應該係以前戰爭用坦克車, 連入面內裡都保存好好. 車身都有好多處子彈孔, 今日天氣好好我地真係慢慢行下好舒服.新城係GPS都顯示有2-3個shopping mall, 只不過間間都無咩岩我地買既野, 我地都只係純粹行下睇下野.

不過這裡的超市相比舊城更大更多野買, 最後我地無係這裡買海鮮, 反而行回去落車時既超市內買左1kg青口同一條鱒魚. 知道買多左食材, 咁中午只好回住處煮左青口當lunch。出門第一次咁寫意中午會回去休息下煮個飯。

 

食完午餐又嘆左件蛋糕，這件蛋糕算OK唔太甜...價錢都係13 kuno.
食完飯又出發行下舊城多條橫街窄巷。成個舊城主要係一條大街, 二旁就係橫街好特別好靚, 可能唔算旺季所以人流不算太多, 真係好難想像如果到夏季來成條街都係人行都行唔到既情況真係幾辛苦.

 

 

 當日舊城有2-3個教堂都有開放, 我地都有入去睇下估唔到每間小教堂內部都好華麗. 另外我想講係我跟住幾日去的每間教堂最多人排隊係同告解.

另外來前已經知這裡近意大利，gelato又平又好味。這一球大大杯只係14 kuno,但我就覺得冇乜木瓜味麻麻地。下次試過第二間。

不知不覺係細街橫巷都行下睇下咁樣又行左2-3小時，大家見差不多就決定回去準備晚餐。食埋昨晚既燴牛肉再加香煎鱒魚又一餐。

大家又係10時乖乖訓左，應該香港生活大壓力，來到咁hea又會出奇地好好訓叉足電。