2018年克羅地亞之旅- Day 4 Dubrovnik

28.03.2018

食完個豐富早餐後, 我地一早8點幾出發行主要景點-city wall。


 

原來一早冇乜人行city wall好舒服,可以慢慢影下相,欣賞下個城市。來前睇好多介紹都話預行city wall需要2小時左右是非常準確。
大家有機會來都要預留2小時左右慢慢睇就最好. 因為我地8點幾開始行, 所以人流唔多可以慢慢每度地方影下相. 相反有D人就喜歡近黃昏來就可以影埋咸蛋王啦..各有各時段好啦. 

跟著我地再行Franciscan monastery, 而最古舊的藥房都係這地方入口處. 講真這張Dubrovnik card最大吸引都係有包入City wall, 其餘入場的景點真係行下消耗下時間.
 





行完2個景點都差不過12時, 我地為避午餐等位,所以決定食午餐後再行。這間餐廳是旅遊書介紹。二個人點左2隻生蠔, 炸小魚,意大利飯同八爪魚沙律,份量足以三人食。中午天氣好坐係室外曬下太陽食午餐真係好舒服, 之前都提過係克羅地亞消費唔貴就算出外食野都合理價錢, 所以今餐2個人都係食左3百幾蚊真係好抵.
 

 

跟著我地再跟住張卡內提供免費景點亂行當細遊舊城, 而卡內免費的景點當中我覺得Franciscan monastery同Rupe ethnographic museum幾值得睇下。
 






行晒景點已經5時多,我地又番去住宿到休息下沖杯檸茶食埋半件蛋糕, 2個人就執行李啦。
中午係出面食得太飽太漏, 今晚晚餐2個人食個什菜湯, 灼條菜, 友人就要少少麵怕半夜餓醒.


張貼留言

熱門文章