2018年克羅地亞之旅- Day 5 Dubrovnik - Split

29.03.2018

第五天,今日就去租車公司取車展開自駕之旅。原定11時取車,但我地住宿10時check out,所以我地睇下租車公司是否已準備好車。幸好車已有,租車公司俾我地提早取車及提早還車。今次係部Golf柴油車陪伴我地7天去幾個城市。今日我地由Dubrovnik 去Split,車程大約3.5小時。其實係克羅地亞開車好舒服,係高速公路平均可以開130-140km,而且路闊係幾適合自駕遊。


不過今日我地去split就算咁多日比較麻煩,當初搵住宿都選有停車位,所以選擇亦不多。
我地12時左右就到split,一早住宿已發email我地停車地方。來到split真係先知路況比想像中還要窄。路窄車位難找,所以我地選有車位的住宿係正確。我地部車泊左係一家屋入面車場(但我地不是住這棟房子內)跟住我打俾屋主,點知最後我地發現係向一間旅遊agent租屋。不要唔緊要有車位有屋住就好。這間apartment 係三樓,

 


今日我地唔搬行李執個大袋夠方便。放好晒野都已經2點多,我地都唔拖拉時間出發去景點。

我地住果度距離景點只有10分鐘腳程,沿路經過一排向海的餐廳食店,我係度買左杯gelato 食,相比Dubrovnik 無論價錢同味道都正好多。這個海邊真係好舒服好靚沿路好多食店真係不怕無野食而且價錢都唔太貴 。

 

距離不遠已經到皇宮地下, 不過宜家地下全部都係買紀念品既小店, 穿過地下室上來就係中庭廣場。接住我地去教堂同上個鐘樓欣賞成個split城市。後來落來入去旁邊的教堂估唔到細細教堂內𥚃係咁靚。
 

 

 


跟住我地又行到"金銀銅鐵" 4個門口, 為左去金之門去Ninski銅象摸佢腳扯,話會帶來好運架。

跟住我地又係這個城內橫條行下又到旅遊書介紹手製朱古力買下手信。

跟著行乜....咪我至愛超市。再買少少野就回住宿煮晚餐。明天要早起身呀!唔係趕路,係要一早去附近market買海鮮。


留言

熱門文章