2018年克羅地亞之旅- Day 6 Split - Paklenica

30.03.2018

早睡早起除左身體好之外, 真係令旅程變得時間好好用..

今日又係預期早左起身, 我地一早食左個早餐之後就直去市場買海鮮. 之前住既地方都好想去買海鮮試下, 但好多時都就唔岩時間太遲去.

 

 

難得咁近個market, 更係要去睇下有無岩既海鮮買...不過來到這個市場比我想像中小. 其實好多檔都係買好似小龍蝦既大蝦, 同埋D我都唔識既魚...
最後我地選左大蜆同大蝦...回到住宿我地準備晒D冰袋同預先雪好既冰樽咁樣就方便今晚係另一處住宿度煮來食..
執晒行李又包好D食物, 我地只係放低鎖匙係屋內關門就走人啦!!!

未夠10點就出車, 係要去附近一個景點....石教堂(Karepica Kula).
這裡仲可以由高處欣賞整個城市, 我地一早到來都無咩人同車. 只係簡唔中見到當地居民係度跑步行山...

泊好車後, 我地都要行10-20分鐘左右先到石教堂. 可能一早既關係空氣清新好舒服

 

 

 

原來這個教堂係峭壁上..真係好特別. 睇完之後..我地就向Paklenica National Park出發, 準備行個小山當熱身. 由Split出發到國家公園大約2小時車程. 來到閘出面就要收費, 無記錯係每人入場費加停車費HRN 90左右.

 

沿路入去已經見到好多攀石好手係度攀石, 當日我地中午先來到, 所以行山既人就唔見好多.
不過這個公園D山好高而且石好多, 唔怪之得咁多人喜歡來這裡攀石.

 

而山上有個住宿處係俾行山人士登山中間休息一天之用, 所以我地當日就見到D馬仔負責運送物資上山啦.

 

原來我地既目標都係去這個洞為终點大約來回3小時啦...但我地行左大約2/3行程, 友人見天色好似好暗怕會落雨同回程會快黑, 加上行去既時候又無見到行山友, 最終我地係決定放棄.
無緣到就影張相留念.

 

落到山離開時都差不多4點啦..我地又再去超市入貨...明明我每日都帶2, 3袋食物, 但我真係忍不住..加上明天我地要去十六湖住2日又星期六, 日怕中間遇唔到超市, 所以入定少少野都無壞.

想介紹這隻雞非常好味仲要好鬼抵..係香港買隻似樣少少既冰鮮雞最平都八,九十蚊, 而這隻雞唔洗HRN 50, 煮出來非常有雞味..

大約5時左右我地就去住宿處check in啦...今晚個房好廳又大又係OPEN KITCHEN仲有個露台好relax, 大家都hea一陣休息下..我就準備整今晚晚餐..今晚見到有個焗爐岩鬼晒我...就切左少少雞簡單焗到脆皮, 另外海鮮都係用蒸就最能食到鮮味.再配個沙律就好完美晚餐.

2款海鮮真係超鮮甜, 特別大蝦真係食到令我地好回味.