2018年克羅地亞之旅- DAY 8 Plitvice Lakes (Rakovica)

01.04.2018

前一晚落足一整天雨之後, 終於今日都晴天非常開心.
心想天氣咁好已經預留大半天會留係公園內真係抵晒..

我地食完個早餐差不多10時左右就出發去另一個停車場泊車...唔知係唔係今日無落雨呢定咩原因啦..今日停車就要收費啦..每小時HRN 7.

不過當我地去到公園入口先發現...原來今日上湖區係關閉...真係人算不如天算.....當下都幾失望..

咁我地就開始無目的亂行一通..我地沿住車路一直行啦...

因為我地前日坐船見到有個瀑布有人係度影相, 所以我地今日無野做就一心要行入去果個瀑布到啦..點知行左大約20分鐘路..就見到有一段路水浸...唔除鞋係過唔到...

我地2個人由怕凍又無帶毛巾..所以決定都係原路回返啦..咁我地就知道上湖無開可能係前日落左好大雨又耐, 所以好多地方都浸左行人行唔到, 所以決定唔開放出來. 

就算去坐船既地方都浸晒水, 只有幾塊木板墊上先可以上到船, 証明前日D雨量好多啦.

我地又去回下湖區啦, 今次我地行山路上係高處欣賞16湖景色, 咁樣遠處睇又係另一番風味...

今次回程我地就坐車回上湖區的公園入口處...只可惜我地都係留左係公園大約2小時左右就離開啦..

雖然今次花左2天時間來16湖加上天氣唔好, 但我覺得這裡真係好靚好舒服. 相信過多一個月又未到high season時間來行16湖應該最正, 可以好好咁欣賞上下湖既美景. 

不過去旅行有少少遺憾, 先可以令自己有機會重遊這個地方既...

 

 十二點幾已經行完啦..又無可能咁早回住宿架...可惜今日又係星期日好多野都無開...咁友人就建議去附近只有20分鐘左右車程的水車村消耗下時間啦..
我地無俾錢入去水車村, 只係外圍影下相行下就算...真係到此一遊就算...
可能我地去左16湖先啦...來到這裡都無咩特別...

                                     

最後可以又要落雨啦...四周圍又無野開無野買無地方去..咁我地唯有回住宿休息啦..