2018年克羅地亞之旅- DAY 9 Plitvice Lakes (Rakovica) - Pula

02.04.2018

住左2晚之後, 我地又開始每晚移動啦...今日由16湖去Pula車程差不多要4小時, 所以今日我地大
約早上9時半左右就出發啦...

今日天氣好好開車好舒服呀..我地4時後就已經到達住宿既地方...幸好打電話搵到屋主..原來屋主一早係屋內做緊清潔...真係好彩!!

這個女屋主好體貼間屋都整到好靚又送左酒同野飲俾我地..不過我地都無開到佢枝酒..跟住我地交房租跟住女主人再介紹附近景點
她仲要係間屋清潔多一陣, 所以佢叫我地攞左鎖匙就可以出去行下.
 

 

 
我來Pula最主要就係為左來這個景點 - 羅馬圓形競技場(Pula Arena)
無記錯這個入場費係每人HRN 50
這個競技場保存得好好, 宜家不定時都有係這個場地舉行音樂/表演節目

只不過當日太陽好猛, 係入面無遮掩之下都行左約30分鐘

我地就走人.








出來競技場不久, 附近就有一個雙生門(Twin gates & City Walls)...


 再住前行不遠又走到另一個叫沙基爾凱旋門(Arch of the Sergijevaca)
這裡相比就比較熱鬧D, 可以直入去都二邊都係商店. 我地



跟住我地住上行見到這個歷史博物館(Provijesni Muzej Istre) 由這裡同樣可以欣賞到整個Pula城市, 我地見無咩野做, 所以都俾左錢入場行下.






行完這個博物館, 我地都無咩野行啦...可能今日都係假期啦, 所以好多店舖又無開..我地都係行多一陣就回住宿處休息啦.
見到Facebook有人焗魚條, 攪到係外地既我都心思思想食...我又走去超市買盒去整來食...真係浪費晒一D都唔好食..
咁樣又一天了.
 





留言

熱門文章