韓國炸醬(附食譜)

我同家人都好喜歡食韓國炸醬麵, 但問題係...出街食又唔係間間做得好好味..最主要我係覺得好似無咩料..😎😎😎😎..總係覺得入面無咩料得一大PAT醬咁..咁樣一碗就要幾十蚊啦...

咁即食麵呢就唔係隻隻口味都岩我..當然即食麵就更加唔會覺得有咩材料可言..

咁最慳錢又食到最美味的食物....咪係...自己動手做...

講真...一D都唔難呀..最煩都係切切切...買包醬料$20左右可以煮2-3次..真係抵晒...

至於材料就更加任大家任意配搭啦...喜歡素版唔加肉都得...唯一只係要買韓國的醬..

材料:

蔥 1條

洋蔥 半個

半肥梅頭肉 4両

翠玉瓜 半條

鮮冬菇 4-5隻 

韓國炸醬 2-3湯匙

生抽 1湯匙

糖 1湯匙

油 2湯匙

1)所有材料切粒, 

2)加油先炒起個醬大約2-3分鐘盛起備用

3)爆香蔥及洋蔥再加入豬肉炒勻再加入瓜及冬菇

4)最後加入醬炒勻加入調味及2-4湯匙水轉小火煮10分鐘

5)最後開大火再加入生粉水自行調節自己喜歡的稀杰度.