2019荷比之旅 - DAY 3 鹿特丹市內亂行

02.05.2019

今日我地就要移動去鹿特丹住3晚. 酒店樓下就係Burger King, 一心一意就係落去食過早餐先走人, 估都估唔到無早餐set只有平時一個burger一份薯條的set.
2條友一早又好似唔多想食咁多野, 但附近又有咩選擇, 最後決定2個人叫一個套餐大家食少少, 去到鹿特丹先再食. HAHAH...食左一半個包先記得影相, 我最喜歡係個炸辣芝士角, 入面有少少辣椒真係好好味, 我地食飽啦..都準備出發去火車總站度坐巴士. 今日天氣都唔算好, 簡唔中都有落雨, 仲想緊要坐一程火車定行路..幸好出發時天色暗暗但又唔係太大雨, 所以我地都係決定行去啦.

其實Flixbus都好多人坐, 大家要準備好護照同印出來車票,上車前俾司機睇好就可以上車搵位.
由阿姆斯特丹坐去鹿特丹大約1小時20分鐘車程啦...咁2隻肥豬當然一上到車又再訓過..
訓飽就到啦...我地又再拖行李去酒店.
只係今次奇怪地原訂的酒店話要我地轉去隔離的酒店住3晚, 今次的旅程真係咩奇怪野都出現, 唔緊要啦...唔洗換酒店就算..費時影響大家心情.入到去房都算乾淨..咁我地放好行李又出發去亂行啦.

 


 

來到鹿特丹第一站更係搵食啦...所以我地就行去市集廣場啦...其實我覺得似一個大food court咁啦...有好多不同的食物, 但相比阿姆斯特丹街頭小食吸引度就差好多...因為友人強烈想試下荷蘭的特色食物 - 生鯡魚, 成個廣場都只有2間店有買..咁我地又無咩特別想食就叫左1份生鯡魚, 一個青口湯呀, 同埋初時以為係蝦的物體點知食落就知係魚加麵粉既野, 盤野一D都唔平成EUR 8, 仲要好油又唔食...個青口湯亦係麻麻地...至於個生鯡魚叫OK但我覺得D魚唔夠鮮甜啦...失望係阿姆斯特丹錯過左間出名的生鯡魚店...整體上我覺得這度市集廣場食物都係好一般...我地晚上去超市買野食都唔會再來這裡搵食.


食飽我地就去方塊屋參觀下, 每人EUR 3. 入面又窄又多人....真係好似俾錢入去睇下示範單位咁...





講真鹿特丹同阿姆斯特丹真係分別好大, 景點來講同人的密度都係阿姆斯特丹比較繁華D...鹿特丹真係不錯多野行,就算所謂的大型shopping mall都好似睇落唔多吸引.

今晚我地又係買好多水果, 乳酪, 沙律, 仲有我地至愛的橄欖回酒店慢慢享受.
我地每次去旅行都覺得好健康, 一定係多菜少肉...:)


留言

熱門文章