快煮帶飯系列 ~ 燉椰菜卷

 其實這個卷都唔算叫快煮...但其實有D野係可以減左去..好似買碎肉代替左我用肉粒自己手切成肉碎啦..另外唔自己整個高湯..只係加水再加少少醬油都可以減左唔少麻煩步驟.

但我覺得最重要既部份就係炒洋蔥粒..真係唔可以懶呀..真係成個椰菜卷既精華..帶到肉好甜.

今個星期都好勤力...煮左3款菜式..粟米肉粒, 炒左個蔬菜同椰菜卷...咁就夠晒一星期帶飯系列..

材料:(4卷)

肉碎(牛肉/豬肉/各半都可以) 100克

椰菜 4大片

洋蔥粒 適量

鹽 少許

高湯 1碗

1)洋蔥粒用中慢火炒至金黃加入肉碎攪勻至起膠加入少許鹽調味

2)椰菜灼軟身加入肉包好

3)用高湯慢火煮30分鐘即可