簡易版港式燒肉
前2日係超市俾我發現左一塊正正方方既腩肉仲要係北歐出產(唔記得係芬蘭定挪威)...雖然都無聽過話北歐D豬係咪特別好味, 但一塊都係$40更係買來試下整港式燒肉.
平時係街市買D新鮮豬肉都無可能整到四四方方...今次真係超期待成功做出脆卜卜既外皮.
由於我係中午買左塊豬, 所以我都係只有一個中午可以預備好..又無將舊肉既皮封乾抽水一晚..咁就睇下成唔成功.
見網上有D人要封一晚有D就半日都得...咁我無咩時間就只係封左2-3小時姐...另外突發試煮就更加無咩醃料..:)點知整完出來都簡單醃料舊肉都好正外皮好脆好鬼正...下次見到都要再入貨..今次記得點整..日後都唔洗整一晚.
材料:
五花腩 1塊
醃料:
生抽 2湯匙, 酒 1湯匙, 黑椒 1茶匙
1)將五花腩皮向下加入滾水用中小火煮10分鐘
2)取出抹乾皮用叉插豬肉外皮, 肉方面就野界3刀再加入醃料
3)皮外上用錫紙包好肉邊皮外上加入粗咸蓋晒成個皮放入雪櫃
4)取出豬肉及鹽解凍20分鐘, 預熱焗爐180度焗至皮爆花(約20-30分鐘)
5)再調高200度焗10-15分鐘, 再加熱至220度再焗10分鐘即可.
留言