Spice Papa@大坑

與友人們聚會, 朋友介紹來大坑新開的食店試下推介此店必食的喇沙.

一早訂左位, 我地5人安排坐在店最入, 店子細細但座位都算幾舒服. 

可能新開張餐牌食物選擇都不算多, 飲品都只要幾款選擇但樣樣都自家製.當晚我點了菊花茶, 估唔到簡簡單單一杯菊花茶味道真係唔錯, 唔係好甜而且有陣陣菊花香唔錯.

再來我地點左青瓜沙律, 串燒, 燒磨姑, 南乳雞翼, 燒摩鬼魚.

青瓜沙律作為餐前小食都唔錯, 夠開胃. 

串燒一碟有6串燒得剛好內裡仍保持肉汁唔錯, 不過自己特別喜歡個醬汁非常惹味, 只係旁邊的米糕自己就不太欣賞, 但友人們就話用來配串燒肉非常好味.

自己覺得今晚既主角就係店內既二款特色喇沙:

一款新加坡喇沙相比就淡味有必於出面有橙色油的喇沙, 但湯底非常好味, 而且用上米粉及油麵作麵底非常正宗, 就算整碗湯飲完都不覺得油膩.

另一款就係以濃味湯底的亞參喇沙, 暫時我係香港好似未試過, 這裡亞參喇沙以魚作湯底再加入秘製醬汁做成既湯底帶點酸酸地非常開胃亦好好味.

2款喇沙做得非常出色, 亦是我當晚最喜歡既菜式.