大帽山郊遊樂

難得清明有假期更係出去郊遊下吸下新鮮空氣,一早8點就起床9點左右就出門, 真係同平時返工差不多.

更好交通都好順利未夠10點已經到左第一站川龍飲個早茶先行山.

第一次來真係估唔到勁多人, 不過人數唔多2個人食左3碟野就走人啦...估唔到佢地D食物又真係幾有水準唔錯唔錯, 如果大家有機會來行山都可以來食個點心先出發.

因為當日係清明節我地又係跟住人地去拜山既方向行山, 而且果條山路都因拜山開封連D車都可以進出, 所以行山時都幾麻煩成日都怕前後有車出入, 幸好當日都有D風又清涼都算OK.

經過左個拜山地方後就真係行山路, 而且愈行愈高就風景就更美又更清涼, 我地今日行左2個半小時慢慢行下休息下, 難得一天既假期就咁消遣左.