再次到訪炎丸居酒屋

上次試過此店之後, 心癮又起今次再同友人到訪.

其實這間價錢中價食物選擇都多係時代廣場食店內都算唔錯既選擇.

今晚我地試左: 小食: 蛋黃雞肉同燒年糕, 燒物就叫燒牛尾最後加左個天婦羅蝦咖哩烏冬

雞肉非常滑配埋蛋黃汁同佢地燒汁非常美味, 而燒年糕同樣出色燒得外少少焦香內就軟軟再配上咸味醬油同樣出色.

初時叫燒牛尾只係覺得奇怪牛尾都可以燒, 所以就點來試試. 一客4件初時以為好少, 點知食左一件已經非常膩,幸好碟旁配上日本芥辣, 食時沾少少芥辣都可以中和牛尾油膩感, 真係餐廳都幾細心想到每味菜式既配搭
至於味道只屬一般沒有燒既味道不過勝在夠淋身.

最後既咖哩烏冬我自己就喜歡, 天婦羅蝦炸得脆身而不油, 但好辣既我都係喜歡有少少辛辣既咖哩口味, 可惜此店既日本咖哩偏甜.

2個人都係食左二百多元都算唔錯既晚餐.