魔膳工房@官塘

今日同友人又來官塘搵食, 上次係網上介紹都想試下這間食店, 今次又再來官塘想唔都唔洗想就來這裡食午餐. 中午12點半時段幸好唔算好多人一去即有位, 有多款午餐供應, 餐都係包餐湯, 主菜同一杯熱飲, 其實轉其他飲品都唔係好貴都係幾蚊..不過講真係工業區食午餐仲要收加一服務費都幾貴, 幸好唔知點解埋單時有一個推廣優惠變左係無收加一啦..


我叫左鱈魚配中東米沙律; 友人就點左個咖哩天婦羅蝦炸蠔飯

以份量同賣相都一流, 不過我對於味道就只覺一般. 個魚係煎得唔錯皮脆肉都算滑, 只可惜個中東米真係唔得煮得過淋有D食糊既口感; 反而友人既炸物就做得唔錯炸得香脆又不算太油..
整體上食物都係不過不失, 但如果要收加一就覺得同區有更多選擇.


地址:
觀塘開源道77號業發大廈一期2樓D室