2016挪威之旅~住宿分享及洗費
06/06/2016-18/06/2016
今次既挪威之旅我真係好多野都提早6個月以上買機票, 訂酒店連挪威幣我都係一早買左...連我自己都覺得傻傻地..不過訂購過程當中我都得到好多樂趣就係未出發已經興奮咁..雖然提早左6個月既興奮, 但我相信準備充足對旅程都有好處.
挪威未去已經感受到佢地生活指數高, 就連hostel都好似酒店價咁..上次去芬蘭都執到2晚hostel價既酒店,今次去挪威真係全部都係住hostel/camping係Bergen 或Oslo都選唔到價錢合理既酒店住呀..不過唔緊要啦..最緊要有廁所係房內先係我首要條件..不過最終我都有一晚間房係無廁所.
好啦..同大家分享下這十幾日旅程既住宿:
1)Marken Gjestenhus-Bergen(NOK 1840/2晚)經官網訂
講真成$900一晚真係同住酒店無咩分別,不過原來係Bergen來講要近火車站既酒店真係每晚最少都要$1500-2000不等, 加上這間有公共廚房俾我地煮野食咁樣食宿方面都可以慳唔少啦.
入住後就更加覺得位置係好, 而我訂既係3人房但房間似2人房既SIZE, 曾經見到有一間3人房就相對比較大同埋面對既位置都較我住既好.
我地11點就來check in初時我地都估要放低行李3點後再來, 點知這間hostel話我地間房已經ready,可以提早入住. 對於坐完長途機可以入去沖過涼真係至好不過!!
另外這間房係無冷氣架, 來到時都怕會唔會好焗, 不過出奇地Bergen天氣實在太好一到晚上我地開左小小既窗都覺得有D凍, 相比開冷氣好過十萬倍.
2)Fossen Camping (NOK1300/2晚)經官網訂
其實一間small cabin 都可以3個人住架啦, 地方都應該唔錯...不過其實大家都要注意下好多野都會另收費, 好似有清潔費NOK200; 如果借床單每張就NOK75等..
這一間係email內註明要5-6時來到check in/打來確認, 如果唔係會有機會將屋仔俾左其他客人, 由於第一日租車來這個點, 我地都盡趕5時左右到達, 當然我地都係尾2-3個人客check in, 攞既屋仔出面都唔係十分好景唔算完全望晒個大峽灣, 但以這間屋來講咁既價錢真係無咩好講, 佢算係山既中間, 可以遠望大峽灣, 而且入面有晒廚房用具唔洗另租. 只要大家乖乖地清潔好番屋仔同自己帶床單等物品, 基本上無其他額外收費.
P.S: 這間同樣無冷氣但我地係山上都叫凍而且第2晚更加要開暖氣.另外山下都有超市不過唔算多野買, 建議開車來時有見到其他大型超市入去入定貨好過.
3)Gaupnetunet Hotell(NOK840/1晚)經BOOKING訂
這一間因為較近我地第二日去冰健行, 來到這間cabin相比前2晚就更大同樣入面有晒廚房用具, 又無話要清潔間屋, 所以都算OK. 講真出面只係面對條大馬路, 而我地當日入住就有一大班年青人係下面cabin好似開party咁開心, 由我入住到我12點訓到一直有強大既音樂聲陪伴,這時唯一令我不滿.
P.S這裡無冷氣咪見好似咁猛太陽好熱, 其實都有陣陣涼風非常舒服, 而且開車唔洗2分鐘就有超市都見幾大位置叫方便.
4)Flam Hostel(NOK875/1晚)經BOOKING訂
我地跟住住得最多應該就係屬International hostel旗下既hostel, 所以我地亦會申請入會咁樣入住時都可以享有10%折扣..原本係打算入會, 點知去到front desk問佢時,佢話其實2個人要入住夠6晚先抵用, 咁將卡都係得1年期我地來都係得3晚入住, 最後我地都無入會啦.
這裡我地挪威縮影有來講, 火車站有個小超市入面買D野又貴又小, 我地途中去左間大超市入定貨先來. 這裡既房間都OK大, 廚房亦相比Bergen既大同乾淨, 大部份人都好有手尾. 當日我地星期六入住超市6點都收左, 無諗住煮野食門口出面都有間類似快餐既食店可以醫肚.
P.S.都係無冷氣都係果句無冷氣勝過有.
5)Bratland Camping(NOK500/1晚)經官網訂
我地為左明天去Bergen機場還車又唔想入回Bergen住, 就係附近較近機場既地方留宿.
其實這個camping 就算住cabin佢地都無洗手間係屋內, 要沖涼仲要按分鐘收費.
這間是成個旅程房間內無廁所亦係我咁大個人第一次住無廁所, 不過咁夠抵都埋都係留幾個鐘應該無問題.
因為星期日關係, 我地都要提早6點前到達check in唔係就無地方訓啦.一早做好心理準備既我, 入到房間都可以接受呀!!又乾淨而且好似得我地同隔離房有人住, 有2個大洗手間唔洗怕同人迫, 而廚房就更加得我一個人獨用啦.
附近都無超市要在途中入定貨呀, 就算佢地reception counter 有小量食物買,但都係D罐頭同麵包即係都要再翻熱一D都唔吸引. 大家要注意!!
P.S無冷氣架但好舒服!!出面係正正對坐大馬路完全無景無野行, 靜靜地過左一晚.
6)Preikestolen Hostel(EUR 82.96/1晚)經官網訂
因為想行聖壇岩我地決定住係山腳都好D方便而且有車又可以免費停泊. 其實整個旅程最期待就係這間Hostel, 連Hostel都可以有期望??無他,我就係其他人既blog見到人地影相出來好正好吸引, 點知來到一開門入房就真係想死. 首先我自己睇錯左訂左間無洗手間得一個洗手盤既房, 試問要個洗手盤做咩??間房已經夠細仲要加個洗手盤就更加細啦, 後來我自己上網再查, 原來這裡係無房有洗手間, 而我地估計我係blog睇到既可能係佢地住4人房所以係新既building入面; 而我地D2人房就係舊building, 又細又舊. 不過這裡提供既早餐就非常豐富, 單單一杯咖啡就非常美味.
估唔到連續2晚都無洗手間係房仲要一間比一間差.
P.S這裡好多蚊滋我地嘗試晚上坐係出面食野, 但坐唔夠5分鐘都要回室內. 同樣無冷氣但天氣都清涼舒服.
如果無煮野去佢地餐廳都有好多豐富食物供應又或者去對面souvenir shop都有三文治等簡單食物提供.
7)Lysefjorden Hostel(EUR 102.35/1晚)經官網訂
同樣第二日我地會一早開車去奇蹟岩行山, 當晚唔想趕開夜車回Stavanger, 所以住係附近就最好不過休息一晚先再開車比較安全.
這間hostel就有洗手間, 房間都大好舒服, 又係包早餐同床單. 不過這裡既廚房用具都唔多幸好我都係15分鐘攪點餐飯唔洗留係廚房太耐, 坐係出面食既對住個小瀑布非常正. 食飯仲可以係度周圍行下散下步做個慢活人都幾寫意. 不過附近係無超市, 幸好餐廳都開到晚上11點行完山累都有野食唔洗怕.
8)由Stavanger-Oslo當晚我地決定訓火車...而且我仲無買包廂...要包廂就要俾多NOK900不如我去訂酒店好過啦..我地買到Minipris火車票, 每人都係NOK249認真抵啦.
認真抵爆係要付出沉重代價, 我俾我團友埋怨到我暈HAHHAHA..可能後生就無所謂, 但對於2隻老野仲學人訓火車仲要唔book包廂真係幾攞命. 其實我真係未試過, 所以真係唔知道有咁嚴重. 講真呀, 每人二百幾蚊仲有提供埋眼罩, 被同枕頭連wifi都有真係無敵. 點知上到車我先再發現這班火車係停好多站, 即係我地既行李會有機會俾人偷啦..但我地都好有準備帶埋鎖將行李鎖係D鐵度, 當然團友都係不安啦整晚都係訓下醒下去check行李. 最慘既事其實係估唔到D過夜火車會咁多人係零晨時份上落, 而佢地都好似唔理整火車人有無訓, 可以上到火車就不停傾計啦發出勁大既聲音, 而我亦2點幾俾人嘈醒啦.
人生試過一次後都絕對無下次.
9)Comfort Xpress Central Hotel (NOK 849)
這一間算係旅程中最令我出奇地滿意, 首先極近火車站拖行李唔洗2分鐘可以到達. 雖然佢要3時check in, 而且俾左間殘障設備既房間, 但房間夠大. 當大家前一晚受盡折磨後, 見到這間房真係想喊出來.
唔知係唔係住得多無冷氣, 這間一有冷氣就覺得溫度麻麻真係想開窗訓好過.
今次既挪威之旅我真係好多野都提早6個月以上買機票, 訂酒店連挪威幣我都係一早買左...連我自己都覺得傻傻地..不過訂購過程當中我都得到好多樂趣就係未出發已經興奮咁..雖然提早左6個月既興奮, 但我相信準備充足對旅程都有好處.
挪威未去已經感受到佢地生活指數高, 就連hostel都好似酒店價咁..上次去芬蘭都執到2晚hostel價既酒店,今次去挪威真係全部都係住hostel/camping係Bergen 或Oslo都選唔到價錢合理既酒店住呀..不過唔緊要啦..最緊要有廁所係房內先係我首要條件..不過最終我都有一晚間房係無廁所.
好啦..同大家分享下這十幾日旅程既住宿:
1)Marken Gjestenhus-Bergen(NOK 1840/2晚)經官網訂
講真成$900一晚真係同住酒店無咩分別,不過原來係Bergen來講要近火車站既酒店真係每晚最少都要$1500-2000不等, 加上這間有公共廚房俾我地煮野食咁樣食宿方面都可以慳唔少啦.
入住後就更加覺得位置係好, 而我訂既係3人房但房間似2人房既SIZE, 曾經見到有一間3人房就相對比較大同埋面對既位置都較我住既好.
我地11點就來check in初時我地都估要放低行李3點後再來, 點知這間hostel話我地間房已經ready,可以提早入住. 對於坐完長途機可以入去沖過涼真係至好不過!!
另外這間房係無冷氣架, 來到時都怕會唔會好焗, 不過出奇地Bergen天氣實在太好一到晚上我地開左小小既窗都覺得有D凍, 相比開冷氣好過十萬倍.
2)Fossen Camping (NOK1300/2晚)經官網訂
其實一間small cabin 都可以3個人住架啦, 地方都應該唔錯...不過其實大家都要注意下好多野都會另收費, 好似有清潔費NOK200; 如果借床單每張就NOK75等..
這一間係email內註明要5-6時來到check in/打來確認, 如果唔係會有機會將屋仔俾左其他客人, 由於第一日租車來這個點, 我地都盡趕5時左右到達, 當然我地都係尾2-3個人客check in, 攞既屋仔出面都唔係十分好景唔算完全望晒個大峽灣, 但以這間屋來講咁既價錢真係無咩好講, 佢算係山既中間, 可以遠望大峽灣, 而且入面有晒廚房用具唔洗另租. 只要大家乖乖地清潔好番屋仔同自己帶床單等物品, 基本上無其他額外收費.
P.S: 這間同樣無冷氣但我地係山上都叫凍而且第2晚更加要開暖氣.另外山下都有超市不過唔算多野買, 建議開車來時有見到其他大型超市入去入定貨好過.
3)Gaupnetunet Hotell(NOK840/1晚)經BOOKING訂
這一間因為較近我地第二日去冰健行, 來到這間cabin相比前2晚就更大同樣入面有晒廚房用具, 又無話要清潔間屋, 所以都算OK. 講真出面只係面對條大馬路, 而我地當日入住就有一大班年青人係下面cabin好似開party咁開心, 由我入住到我12點訓到一直有強大既音樂聲陪伴,這時唯一令我不滿.
P.S這裡無冷氣咪見好似咁猛太陽好熱, 其實都有陣陣涼風非常舒服, 而且開車唔洗2分鐘就有超市都見幾大位置叫方便.
4)Flam Hostel(NOK875/1晚)經BOOKING訂
我地跟住住得最多應該就係屬International hostel旗下既hostel, 所以我地亦會申請入會咁樣入住時都可以享有10%折扣..原本係打算入會, 點知去到front desk問佢時,佢話其實2個人要入住夠6晚先抵用, 咁將卡都係得1年期我地來都係得3晚入住, 最後我地都無入會啦.
這裡我地挪威縮影有來講, 火車站有個小超市入面買D野又貴又小, 我地途中去左間大超市入定貨先來. 這裡既房間都OK大, 廚房亦相比Bergen既大同乾淨, 大部份人都好有手尾. 當日我地星期六入住超市6點都收左, 無諗住煮野食門口出面都有間類似快餐既食店可以醫肚.
P.S.都係無冷氣都係果句無冷氣勝過有.
5)Bratland Camping(NOK500/1晚)經官網訂
我地為左明天去Bergen機場還車又唔想入回Bergen住, 就係附近較近機場既地方留宿.
其實這個camping 就算住cabin佢地都無洗手間係屋內, 要沖涼仲要按分鐘收費.
這間是成個旅程房間內無廁所亦係我咁大個人第一次住無廁所, 不過咁夠抵都埋都係留幾個鐘應該無問題.
因為星期日關係, 我地都要提早6點前到達check in唔係就無地方訓啦.一早做好心理準備既我, 入到房間都可以接受呀!!又乾淨而且好似得我地同隔離房有人住, 有2個大洗手間唔洗怕同人迫, 而廚房就更加得我一個人獨用啦.
附近都無超市要在途中入定貨呀, 就算佢地reception counter 有小量食物買,但都係D罐頭同麵包即係都要再翻熱一D都唔吸引. 大家要注意!!
P.S無冷氣架但好舒服!!出面係正正對坐大馬路完全無景無野行, 靜靜地過左一晚.
6)Preikestolen Hostel(EUR 82.96/1晚)經官網訂
因為想行聖壇岩我地決定住係山腳都好D方便而且有車又可以免費停泊. 其實整個旅程最期待就係這間Hostel, 連Hostel都可以有期望??無他,我就係其他人既blog見到人地影相出來好正好吸引, 點知來到一開門入房就真係想死. 首先我自己睇錯左訂左間無洗手間得一個洗手盤既房, 試問要個洗手盤做咩??間房已經夠細仲要加個洗手盤就更加細啦, 後來我自己上網再查, 原來這裡係無房有洗手間, 而我地估計我係blog睇到既可能係佢地住4人房所以係新既building入面; 而我地D2人房就係舊building, 又細又舊. 不過這裡提供既早餐就非常豐富, 單單一杯咖啡就非常美味.
估唔到連續2晚都無洗手間係房仲要一間比一間差.
P.S這裡好多蚊滋我地嘗試晚上坐係出面食野, 但坐唔夠5分鐘都要回室內. 同樣無冷氣但天氣都清涼舒服.
如果無煮野去佢地餐廳都有好多豐富食物供應又或者去對面souvenir shop都有三文治等簡單食物提供.
7)Lysefjorden Hostel(EUR 102.35/1晚)經官網訂
同樣第二日我地會一早開車去奇蹟岩行山, 當晚唔想趕開夜車回Stavanger, 所以住係附近就最好不過休息一晚先再開車比較安全.
這間hostel就有洗手間, 房間都大好舒服, 又係包早餐同床單. 不過這裡既廚房用具都唔多幸好我都係15分鐘攪點餐飯唔洗留係廚房太耐, 坐係出面食既對住個小瀑布非常正. 食飯仲可以係度周圍行下散下步做個慢活人都幾寫意. 不過附近係無超市, 幸好餐廳都開到晚上11點行完山累都有野食唔洗怕.
8)由Stavanger-Oslo當晚我地決定訓火車...而且我仲無買包廂...要包廂就要俾多NOK900不如我去訂酒店好過啦..我地買到Minipris火車票, 每人都係NOK249認真抵啦.
認真抵爆係要付出沉重代價, 我俾我團友埋怨到我暈HAHHAHA..可能後生就無所謂, 但對於2隻老野仲學人訓火車仲要唔book包廂真係幾攞命. 其實我真係未試過, 所以真係唔知道有咁嚴重. 講真呀, 每人二百幾蚊仲有提供埋眼罩, 被同枕頭連wifi都有真係無敵. 點知上到車我先再發現這班火車係停好多站, 即係我地既行李會有機會俾人偷啦..但我地都好有準備帶埋鎖將行李鎖係D鐵度, 當然團友都係不安啦整晚都係訓下醒下去check行李. 最慘既事其實係估唔到D過夜火車會咁多人係零晨時份上落, 而佢地都好似唔理整火車人有無訓, 可以上到火車就不停傾計啦發出勁大既聲音, 而我亦2點幾俾人嘈醒啦.
人生試過一次後都絕對無下次.
9)Comfort Xpress Central Hotel (NOK 849)
這一間算係旅程中最令我出奇地滿意, 首先極近火車站拖行李唔洗2分鐘可以到達. 雖然佢要3時check in, 而且俾左間殘障設備既房間, 但房間夠大. 當大家前一晚受盡折磨後, 見到這間房真係想喊出來.
唔知係唔係住得多無冷氣, 這間一有冷氣就覺得溫度麻麻真係想開窗訓好過.
| 機票 | 13721.8 | |
| 交通 | ||
| 挪威縮影 | NOK2206 | 2,070.96 |
| 火車 | NOK498 | 474.80 |
| 租車 (8-13/6)+保險 | NOK3601.95 | 3,398.85 |
| 租車(13-15/6) | NOK1746.88 | 1,694.07 |
| 租車保險+AUTOPASS | NOK233 | 219.09 |
| Autopass | NOK145 | 133.39 |
| 油 | NOK469 | 452.06 |
| 活動 | NOK1020 | 987.33 |
| (整個旅程花現金) | NOK8422 | 7,832.46 |
| 酒店 | DEPOSIT | 127.77 |
| Marken Gusthouse | NOK3010 | 1,871.28 |
| Fossen camping | NOK 1300 | 1,235.19 |
| Gaupnetunet Hotell | NOK 840 | 876.97 |
| Flam Hostel | NOK 857 | 851.01 |
| Bratland Camping | NOK500 | 486.29 |
| Preikestolen YH | NOK708 | 674.01 |
| Lysefjorden Hostel | NOK894 | 845.22 |
| Comfort xpress | NOK849 | 806.41 |
| 去至高點泊車費 | NOK 120 | 115.68 |
| 火車站租 Locker | NOK 120 | 113.36 |
| 保險+國際車牌 | 251.2+160 | 411.20 |
| 機場來回 | 500 | |
| Sub Total | 39,899.20 |
留言