英式鬆餅(English Muffin)附食譜
好耐無UPDATE啦..唔係我懶無煮野食..反而每星期都可以煮好多不同菜式, 但真係無咩心情update 個blog, 心情處於低谷狀態. 現在心理有所調整, 試下正面去面對困難, 每日都要感恩, 將來既路未必好行, 但起碼係自己選擇的路.
近期真係好多出面街既野都好想食, 但機於疫情關係真係唔敢出街食飯..樣樣野都上網查下搵食譜實行自煮樂..所以這幾個月真係煮左好多不同菜式...
家人就知我係一名M記豬柳漢堡怪..簡唔中我就好想食一個...
今次自己焗左個英式鬆餅...自己好滿意再加上豬柳芝士片..一大滿足...下次有胃口D要加隻蛋就PERFECT!!!
因為我無cornmeal,所以我都係用麵粉代替, 其實食落都無咩差別, 唔洗特別買包cornmeal番來整..HAHHA..
個麵團做出來係偏濕屬正常. 一般太痴手我用麵粉再摺疊就OK.
材料:
高粉 300G
牛奶 220ML
依士 2G
泡打粉 1G
糖 1G
鹽 1G
牛油 20G
1)牛奶加入糖同依士靜止5分鐘
2)其他材料加入攪至麵團光滑發酵2小時
3)分割6份再滾圓靜止10分鐘
4)麵團2面沾上cornmeal再靜止20分鐘
5)平底鑊最少火將面團2面各煎5分鐘
留言