東京箱根之旅~ Day 1

15/09/2014(香港-東京-上野( UEON Centurion Hotel)-淺草寺-道具街 かっぱ橋道具街通り- 秋葉原- 上野(璣丸水產晚餐)


今次既旅行都算好特別, 唔知係人老左行下都好易累, 定係我真係唔太岩勁shopping...東京對我來講真係無咩算好玩, 只係來食下野咁同埋今次最主要反而係入箱根, 伊豆玩下至真.
第一日我地坐零晨機關係, 到東京都係早上7時左右. 我地第一站就係去買京成電車, 點知買票果位亞姐話我地miss左班快車, 要坐慢車成2小時...都無辦法照坐..
點知坐到第2個站見到對面月台又係去上野仲要寫特急...又見好多人都下車轉去對面車, 我地更係即跟轉車, 今次轉一轉就慳左成1小時啦...真係好彩.

我地酒店係上野站, 所以坐一程車就到, 到左酒店都係8點多我地放低行李一心一意想去築地食早餐啦, 點知問清楚今日係日本假期築地無問, 所以我地就轉去附近既淺草寺行下..

其實N年前我都來講, 只係來行下都唔錯. 今次仲俾我食到天書介紹既日式甜品~梅園...

店舖都幾舊下, 不過行到有D累入來食個甜品都幾舒服, 不過食完後先發現出面有得外買甜品, 如果大家唔想入去食外賣甜品都唔錯既選擇.
我地今次食左一個甜品一個麵點, 2樣味道都唔錯, 不過價錢都唔平.

行完都2點,我地實在太累, 要回酒店休息下先再出動, 這間酒店我地只係用1蚊訂仲要包早餐真係估唔到呀...仲要係好彩同友人各人訂到一間, 所以2晚係東京都係住1蚊酒店抵爆...不過間房真係超細,更好我地都唔算購物狂, 最緊要地點好安全間房乾淨已經好滿足!!

訓醒都下午5點幾,我地都係決定係上野橫丁行下同食晚飯早D回酒店, 因為明天我地仲要一早去築地.