2018年克羅地亞之旅 - Day 1 Zagreb

25/3零晨機坐上十多個小時後終於到達克羅地亞首都Zagreb。機場不太幸好星期天找換店亦有開。不過匯率當然唔會好，只係換euro 100夠一整天洗費就算。

機場巴士每人30 kuno ，直接上車付錢給司機就可以，30分鐘就到達巴士總站。

我地選擇住宿步行5-10分鐘就可到達。

今晚我地住一晚既Log In Rooms, 房間都OK 又夠清潔,但係都係要自己搬行李上房. 我地休息左一陣就開始今日閒遊.

 

原來四月當地都幾凍，有冇太陽溫差變化都比較大。

星期日Zagreb 街上真係好泠清。我地行去景點中途，好多食店亦無開連街上走動的人都少得可憐。

第一站係去搵食及睇下有無找換店及買電話卡。好彩較近景點地都有少量店有開，最後選左食到外地必食kebab 。至於找換店亦只有一，二間有開匯率亦不見得好，所以就等明天再換。

 

 

食飽更係行景點-第一景點聖母升天教堂。

免費入內觀賞

行完再轉入小街口就見到另一必到之處-Dolac vegetable market

我地午後加上星期日關係，好多店亦關閉，唯有眀早再訪。

我地跟住旅遊圑住上行一陣又見到我地要來的景點-St.Mark’s church

屋頂是當地國徽圖案，睇實景比影相好睇好多。附近是纜車的觀景台。不過這個纜車真係太短無乜吸引力去坐。跟住我地亂行見到失戀博物館,不過我地冇俾錢入去睇。

再行落去一陣就到市中心-Ban Jelacic square。旁邊有街頭小店，出售芝士，風乾火腿，蜜糖，衣服，薫衣草香精等。我哋買左盒士多啤梨唔貴20 kuna。

 

跟住去Tisak買左一張Vip及Tele2電話卡，問店主話二張都係7天。其實Tele2由我開通用到走果日都可以用，而我查張卡內亦顯示到期日是6月。

跟住我地再行去火車站亂行一通就開始嘗試搵餐廳。不過我地途中冇餐廳連任何小店都無，最後回巴士總站唯一一間麵包店買左pizza同沙律當晚餐。

跟住10點未夠已經休息。